Opozita e bashkuar s’ka qenë e pranishme për asnjë ditë në Kuvend, që në nisje të këtij sesioni të ri parlamentar. Vendimi në fjalë erdhi në shenjë qëndrese dhe proteste, për nivelin e shtuar ekonomik në vend. Më pas, opozita depozitoi amendamentet, për nisjen e zbatimit të Vettingut në politikë.
Nënkryetari i PD, Edi Paloka, ka deklaruar se ka vetëm një mënyrë për ta rikthyer opozitën në Kuvend, dhe ajo është votimi i këtyre amendamenteve, të zvarritura deri tani. Mjaft i revoltuar, ai ka thënë se me këtë qeveri, nuk do të rrinte asnjë ditë.
“Me këtë qeveri, për mua nuk do të rrija asnjë orë, asnjë ditë. Kur kemi paraqitur iniciativat tona ligjore, nëse do i pranonte Rama, ne do ishim në Parlament, sigurisht për t’i votuar. Kështu që për çfarë të shkojmë, të rrimë në një sallë me kriminelë, pra vetëm kjo mund të na sillte pa dyshim”, u shpreh Paloka.
