Akuzat e hedhura prej ditësh nga ana e opozitës, kanë marrë edhe një përgjigje nga vetë Rama. Ky i fundit ka folur për “Babalen” dhe protagonistët e audio-përgjimit me autor të pretenduar vëllain e ministrit të Brendshëm.
Një bisedë që nuk ka ndodhur kurrë, sipas kryeministrit, që përveç përgjigjes shkencore të laboratorit britanik, tregon se vetë aktori, Fredi Alizoti, ka rrëfyer për pazarin e ofruar nga regjisori.
“Është vetë aktori i papaguar sipas premtimit të dhënë në emër të Lulzim Bashës që tregon. Ky që kërkon Vetting për politikanët, nuk ka mbajtur fjalën e dhënë dhe aktori ka tradhtuar regjisorin”, tha pak ditë më parë Rama.
Për kryeministrin, “Babalja” nuk ra nga qielli në selinë e PD-së. Ai tregon si autor vetë Lulzim Bashën. Po kështu ai dha edhe një premtim:
“Loja po mbaron! Do të zbardhet deri në fund edhe pjesa ende e pazbardhur e Babale 1-shit”.
Në një konferencë për gazetarët ditën e hënë, Rama tha se bëhej fjalë për një skenar të cilit i veshi edhe një mantel misteri, duke përmendur “skuta të zyrave shtetërore me histori spiunazhi”. Këtë të mërkurë, kreu i qeverisë bëri një tjetër reagim në Twitter, pas akuzave të kreut të opozitës Basha, sërish me nota misteri.
Pas një komenti, pyetja që na lind krejt natyrshëm është: “ajo pjesa e mbuluar që dinë ata të dy”?
Edhe në një postim të dytë në Twitter, gjatë pasdites, Rama bëri të njëjtin “kërcënim” duke shkruar:
