Ministria e Arsimit ka publikuar rezultatet e testit për provimin e Gjuhë-Letërsisë për 32126 mijë maturantë.
Një provim ky që solli shumë pakënaqësira nga maturantët, të cilët edhe protestuan. Me notën 10-të janë vlerësuar 2.45% ose 760 maturantë, ndërsa 3.11% janë mbetësa.
Në numrin e vogël të maturantëve që kanë marrë notë maksimale, duket se ka ndikuar edhe testi, që u kontestua me protesta.
Klikoni në linkun më poshtë
http://qsha.gov.al/infos/matura_2020/d1_rezultate_2020.pdf
‘E ardhmja vdiq’, ’Maturantët e pandemisë dhe tërmetit’, ‘E ardhmja varet nga Turi’, ‘Çfarë bëri Turi, se na iku truri’. Këto shprehje dhe shumë të tjera, të paraqitura me ironi karshi Ministrisë së Arsimit, shoqëruan protestën e maturantëve.
Pankartat me mbishkrime për personazhin “Turi” ishin të shumta, kjo pasi njëra nga pyetjet kryesore të testit që revoltoi më shumë maturantët, kishte të bënte me “Turin”, një personazh pjesë e një problemi. Kjo pasi sipas maturantëve, ajo pyetje ishte subjektive dhe nuk kishte përmbajtjen e duhur për njohuritë lidhur me të cilat po testoheshin.
Dy ditë më parë, Ministrja e Arsimit, Besa Shahini zhvilloi një takim me përfaqësuesit e Parlamentit të Nxënësve, në lidhje me provimin e maturës të Gjuhë-Letërsisë.
