E ardhmja e Elseid Hysajt është kthyer në një çështje në Napoli. Rinovimi i tij dukej se kishte ngecur pa ardhjes së Ancelottit dhe në formacion vendi i tij nuk ishte më i sigurtë, në Champions nuk ka luajtur në asnjë sfidë. Por duket se e gjithë situata ka marrë një kthesë të menjëhershme.
Sipas “Rai Sport”, menaxheri Mario Xhufredi ka pasur një takim me drejtuesit e Napolit dhe është diskutuar në lidhje me rinovimin e kontratës. Aktualisht Hysaj ka një kontratë të vlefshme deri në vitin 2021, teksa përfiton 1.6 milionë euro në sezon. Me marrëveshjen e re pretendohet që Hysaj të përfitojë rreth 3 milionë euro, ndërsa kontrata do të zgjatet edhe me dy vite të tjera.
Një temë tjetër diskutimi ka qenë edhe klauzola në kontratën e Hysajt. Momentalisht klubet jashtë Italisë duhet të paguajnë shifrën e 50 milionë eurove nëse e duan mbrojtësin e djathtë të kombëtares tonë. Sikurse raportohet në Itali, bisedimet janë në rrugë të mbarë dhe javën e ardhshme pritet që të vijë edhe firma.
