Djali i deputetit të PS-së, Rrahman Rraja, Rexhep Rraja do të dalë sot përpara gjykatës së Apelit. Ai është ne burg, pas vendimit te gjykatës së Krujës. Ky institucion e la pas hekurave, pas denoncimit të Xhisiela Malokut. Kjo e fundit e akuzonte për dhunë e tortura, edhe u tërhoq nga akuzat.
Trupa gjykuese që ka në dorë fatin e djalit te deputetit socialit kryesohet nga gjyqtarja Shpresa Beçaj. Ndërsa anëtarët janë Ridvan Hado dhe Zeqine Sollaku. Procesi gjyqësor pritet të mbahet sot në Gjykatën e Apelit në Tiranë.
Rexhep Rraja u arrestua më 30 shtator, pas urdhrit të Gjykatës së Krujës. Institucioni i drejtësisë dha masën “arrest me burg në mungesë”, për të riun e akuzuar për ‘përndjekjen’ e ish-të dashurës së tij Xhiseila Malokut.
Ndërkohë më 2 tetor, ai doli para Gjykatës në Krujë për t’u njohur me masën e sigurisë. Kujtojmë që djali i deputetit e ka apeluar masën e dhënë ndaj tij dhe ka kërkuar lirinë.
