Partia Demokratike e nga ngritur me çështjen e Agron Xhafaj në Komisionin e Edukimit dhe Mjeteve të Komunikimit dhe Kulturës.
Ndryshe nga mbledhjet e tjera, në këtë Komision kanë zbarkuar dhe deputetë të tjerë të Partisë Demokratike që nuk janë pjesë e Komisionit.
Kreu i grupit parlamentar të PD-së, Edmond Spaho, paralajmëroi se nuk do të ketë seancë normale në asnjë Komision dhe as në Parlament derisa Ministri i Brendshëm, Fatmir Xhafaj, të japë dorëheqjen.
Spaho: Nuk është një seancë e zakonshme, qëllimi është të shprehi gjendjen në të cilën ndodhet vendi. Grupi parlamentar ka bërë publike fakte të rënda. Pavarësisht se është familjar i një ministry duhej të kryente dënimin. Nuk ka bërë asnjë ditë burg, ka ndërruar emrin, dhe ka vazhduar me të njëjtën praktikë, në bashkëpunim me organizatat kriminale.
Spaho është shprehur me tone të forta duke theksuar që nuk mund të shkojmë drejt Europës në këtë lloj gjendje. Ai gjithashtu ka thënë që nuk do të ketë zhvillime në parlament nese ministri i Brendshëm nuk jep dorëheqjen.
Ndërsa nga ana tjetër deputetët e PS-së, kanë braktisur punimet e Komisionit.
