Ambasadorja e BE-së në vendin tonë, Romana Vlahutin tha se BE po monitoron procesin që po zhvillohet ndaj Saimir Tahirit. E pyetur për këtë çështje gjatë takimit të 12-të të Komitetit të Stabilizim Asociimit, Shqipëri-BE, ambasadorja Vlahutin theksoi se pritet që prokuroria të përfundojë hetimet. Gjithashtu, ajo shtoj se pret që të bëhen publike sa më shpejt rezultatet e prokurorisë.
“Presim që prokuroria të përfundojë hetimet. BE është duke e monitoruar procesin. Presim që rezultatet të bëhen publike sa më shpejt”, u shpreh ambasadorja e BE në vendin tonë.
Ndërkohë, Vlahutin ka theksuar se Shqipëria duhet të vijojë luftën kundër kultivimit dhe trafikimit të lëndëve narkotike.
