Rama ka folur edhe për çështjen Tahiri, ku ish-ministri po hetohet nga Prokuroria në lidhje me përfshirjen në organizatat kriminale dhe trafikim të drogës.
Po në ‘Top Story’ Rama theksoi se kjo çështje, e ka vendosur në pozitë të vështirë qeverinë e tij. Ai tha se kjo nuk ka qenë ngjarje e mirëseardhur, por duhet të jemi të duruar dhe të presim drejtësinë të thotë fjalën e saj.
“Çështja e Tahirit na ka vënë në pozitë të vështirë. S’ka qenë ngjarje e mirëseardhur. Duhet të presim deri në fund për të parë të vërtetën, nëse ai është i fajshëm apo jo.”-tha Rama
Rama ka përsëritur se se organi i akuzës duhet të sjellë prova që implikojnë ish-ministrin, ndërsa shtoi se deputetët mund të hetohen edhe pa iu hequr imuniteti, por që të vendosësh dikë në pranga duhet të kesh prova dhe fakte që tregojnë një implikim të qartë.
Tashmë Saimir Tahiri nuk është pjesë e jona, e qeverisë sonë apo e vendimeve që merren në strukturat drejtuese të Partisë Socialiste, tha Rama.
“Se dy njerëz flasin për në të dy këtu dhe thonë ça të duan, mund të kenë lidhje dhe mund të mos ketë lidhje, këtë duhet ta provojë prokuroria. Ne PS kemi kërkuar heqjen e imunitetit për fillimin e hetimeve, nëse prokuroria kërkon arrestimin apo ndalimin e ikjes jashtë shtetit atëherë duhet të vijë në parlament. Politikanët mund të trajtohen si gjithë të tjerët. E vetmja gjë që nuk mund të ndodhë është që Prokuroria të arrestojë pa prova. Këtë s’mund ta bëjë me asnjë njeri jo më me deputetë.Çështja e Tahirit, nuk është e imja, as e jotja por e drejtësisë. Tahiri nuk është pjesë as e debatit tonë politik, as e jetës sonë politike dhe as e mbështetjes që qeveria merr në parlament me votat e grupit të PS. Për një arsye të thjeshtë, sepse ne jemi ndryshe dhe ndryshojmë shumë për mirë nga të tjerët njerëzit nëse zgjedhjet do të bëheshin të dielën e ardhshme do të na jepnin 78 deputetë”-shtoi Rama
