Kuvendi ka miratuar ngritjen e Komisionit Hetimor për ish-ministrin e Brendshëm, Saimir Tahiri.
Orët e vona të së enjtes u miratua lista me 11 anëtarë e Komisionit Hetimor që u kërkua nga opozita për të verifikuar ligjshmërinë e akteve të Kuvendit dhe qeverisë si dhe efektet e ndërhyrjeve të këtyre dy pushteteve tek hetimi i ish-ministrit të Brendshëm, Saimir Tahiri.
Enkelejd Alibeaj, Flamur Noka, Edi Paloka dhe Myslym Murrizi nga radhët e PD, Endrit Brahimllari nga LSI dhe Xhemal Qefalia, Bashkim Fino, Ermonela Felaj, Klotilda Ferhati, Pjerin Ndreu dhe Paulin Sterkaj nga radhët e PS do të verifikojnë gjithashtu edhe rolin e Ministrisë së Drejtësisë në ekstradimin drejt Italisë të Nazer Seitit, i njohur si “financieri” i Habilajve.
Komisioni do të drejtohet nga Edi Paloka, ndërsa në postin e nënkryetares është caktuar Ermonela Felaj.
