Në një nga vendet më të bukura turistike të Rusisë në Soçit do të zhvillohet një takim i tre Presidentëve të cilët përfaqësojnë vende të rëndësishme dhe me peshë. Turqinë, Rusinë dhe Iranin i bën bashkë vetëm interesi që kanë për Sirinë. Më 22 nëntor do të mbahet një samit rreth çështjes së Sirisë, ku vendet e tyre luajnë një rol të rëndësishëm.
Agjencia zyrtare turke e lajmeve, Anadolu thotë se, presidenti i Rusisë, Vladimir Putin, ai i Turqisë, Recep Tayyip Erdogan dhe ai i Iranit, Hassan Rohani do të bisedojnë gjatë samitit rreth zhvillimeve të fundit në Siri dhe në rajon.
Të tre liderët do të negociojnë për një marrëveshje që synon reduktimin e intensitetit të luftimeve për të përgatitur terrenin e nevojshëm për një marrëveshje politike për dhënien fund të konfliktit sirian që ka regjistruar rreth 330 000 të vdekur dhe miliona të zhvendosur nga marsi 2011.
Rusia dhe Iranin mbështetin presidentin sirian, Bachar al-Assad, ndërkohë që Turqia mbështet rebelët që kërkojnë përmbysjen e regjimit të Assadit.
