Në mediat maqedonase është shpërndarë lajmi se kryeministri Zoran Zaev do të shkojë për një vizitë dy ditore në Turqi.  Kjo vizitë nuk ishte lajmëruar më parë dhe duket së është urgjente. Njoftimi vjen direkt pas deklaratave të presidentit të Turqisë Rexhep Tayyip.

Ndërkohë, disa orë më parë Erdogan bëri një deklaratë në media ku doli hapur në mbrojtje të interesave të maqedonisë duke deklaruar se Greqia nuk kishte asnjë të drejtë(lajmin e plotë lexoje këtu).

Sipas agjendës së planifikuar, vizita do të zhvillohet më 12 shkurt, ku bashkë me Zaev do të jenë edhe ministra të kabinetit të tij.

Gjatë vizitës do të ketë takim me presidentin Erdogan, me kryeministrin Binali Jildirim, si dhe me kryetarin e Kuvendit të Turqisë, Ismail Kahraman.

Kjo vizitë po ndodhë në kohën kur vendi po zhvillon bisedime për emrin me Greqinë, fqinji që ka krijuar raporte të acaruara me Ankaranë. Por edhe pas deklaratës së Erdogan se Turqia është në anën e Maqedonisë në procesin për zgjidhjen e emrit, dhe se sipas tij, Greqia në këtë rast nuk është e drejt. Erdogan gjithashtu ka thënë se Maqedonia është vend vëllazëror dhe gjithmonë do të jetë në anën e saj.