Opozita ka zbuluar arsyen se pse ka refuzuar të marrë pjesë në ceremoninë e lamtumirës së ambasadorëve Donald Lu dhe Romana Vlahutin.
Partia Demokratike bën me dije se organizimi i ceremonisë është bërë në vilën e blerë nga ambasadorja e BE, duke theksuar se vila në fjalë është blerë nga ambasadorja prej një trafikanti droge.
“Ky është një standard që ndoqën deputetet gjermane ne Berlin për të refuzuar darken me kryeministrin Edi Rama ne një ambient ekskluziv te quajtur China Club. Vendi i zgjedhur prej Ramës është nën hetim për aktivitetit ndërkombëtar të pastrimit të parave”, thanë burimet për Ora News.
Në ceremoni kanë marrë pjesë kryeministri Edi Rama së bashku me bashkëshorten e tij, Ambasadorë të akredituar në Tiranë, Ministra, deputetë të PS dhe drejtues të medias e përfaqësues të shoqërisë civile.
Në pritje u vu re mungesa e deputetëve të Partisë Demokratike, të cilët janë shprehur se ishin të angazhuar në seancën parlamentare ku diskutohej ligji për Teatrin e ri Kombëtar./Ora News
