Sot blutë e Tiranës goditën një bazë të prostitucionit në kryeqytet. Bëhet fjalë për një qendër masazhesh në qendër të Tiranës, e cila përdorej për qëllime prostitucioni.
Gjatë operacionit janë arrestuar edhe dy vëllezërit, Mario dhe Andi Roshi. Abcnews.al mëson se qendra e masazhit gjendej në zonën e Pazarit të Ri, shumë pranë banesës së ministrit të Brendshëm, Sandër Lleshaj.
Dy vëllezërit, Mario dhe Andi Roshi, përkatësisht 26 dhe 29 vjeç, janë arrestuar nga policia e Tiranës.
Krahas dy vëllezërve, janë proceduar penalisht në gjendje të lirë edhe 5 vajza, të cilat përdoreshin për ushtrimin e aktiviteteve të tilla, me dyshim ushtrim prostitucioni.
Po kështu u procedua penalisht për veprën penale “Moskallëzim krimi” shtetasja S.D., 21 vjeçe, e cila në cilësinë e menaxheres të një prej qendrave, nuk ka treguar për këtë aktivitet të kundraligjshëm që kryhej brenda kësaj qëndre masazhi.
