Mbrëmjen e sotme pritet të vendoset se cili do jetë versioni final i fletës së votimit për zgjedhjet parlamentare të 25 prillit.
Teksa pritet të nisë mbledhja e KQZ, kreu i saj Ilirjan Celibashi i ka propozuar një version Komisionit rregullator.
Kështu renditja në fletën e votimit për kandidatët për deputet në 12 zonat zgjedhore do të bëhet sipas numrit rendor të dalë nga rezultati i shortit për partitë politike të cilat kanë depozituar lista shumemërore.
Versioni i sotëm i Celibashit, vjen pas debateve të djeshme , ku ai pati 3 propozime.
