Koreja e Veriut, është sot për sot vendi më i izoluar në botë, për shkak të regjimit të egër komunist.
E megjithatë suprizat nuk mungojnë. Njëra prej tyre, është dashuria që koreno-veriorët kanë për një vegël muzikore si fizarmonika.
Në Korenë e Veriut, fizarmonika njihet ndryshe si “instrumenti i popullit” pasi madhësia e saj e përshtatshme, e bën atë ideale për t’u marrë marrë me vete gjatë marshimeve dhe ekskursioneve në natyrë.
Për vite me radhë, fizarmonika është mësuar në shkollat e Koresë së Veriut.
Prandaj nuk është ndonjë gjë e habitshme pse në vitet 1990, mësuesve iu kërkohej me detyrim të kalonin testin e luajtjes në fizarmonikë, nëse donin që të merrnin vendin e punës.
