Ndonëse Basha dha dorëheqjen nga drejtimi i PD-së, aktivistja shqiptaro-amerikane, Evi Kokalari nuk ndalet me thumbimet e saj.
E rreshtuar në krah të Berishës, Kokalari ka ironizuar veprimin më të fundit të Bashës. Ajo ka publikuar pamje nga zyrat e reja të tij.
“Çdo mëngjes zgjohem me këtë pamje – zyrat e Bashës”, shkruan ajo.
Kujtojmë këtu se pas presioneve të shumta, Basha zbrazi tërësisht zyrën e tij. Burimet bënë me dije se ai tashmë ka marrë një tjetër zyrë me qira jashtë selisë së Partisë Demokratike, por jo dhe shumë larg. Zyra e tij e re, është pranë qendrës “Torre Drin”.
Basha dha dorëheqjen si kryetar i PD-së, pas 9 vitesh si drejtues i kësaj partie. Më tej, Komisioni i Rithemelimit drejtuar nga Sali Berisha, shkoi në seli dhe hoqi fortifikimet që i ishin bërë godinës, nga dyert e blinduara, duke dhënë mesazhin e parë për bashkimin e demokratëve.
