Greqia refuzon të njohë gjenocidin ndaj komunitetit shqiptar të Çamërisë, duke i akuzuar ata si bashkëpunëtorë të nazistëve gjermanë. Në fakt e vërteta është krejtësisht ndryshe. Shumë zyrtare të lartë grekë, duke filluar nga kryeministrat, kanë bashkëpunuar hapur me Gjermaninë e Adolf Hitlerit, në dëm të bashkëatdhetarëve të tyre.
Jorgo Simitis, babai i ish-kryeministrit grek Kosta Simitis në vitet 1996-2004, bashkëpunoi hapur me nazistët. Ish-kryeministri Konstandin G.Karamanlis, xhaxhai i ish-kryeministrit grek në vitet 2004-2009, Kostas A.Karamanlis, ka bashkëpunuar me gjermanët për shfarosjen e mijëra grekëve me origjinë hebreje në Selanik. Dy ish-kryeministrat e tjerë grekë që u kompromentuan me pushtuesit ishin Janis Ralis dhe Konstandinos Micotaqis.
Mes bashkëpunëtorëve të nazizmit figuron edhe gjyshi i ministrit të Jashtëm aktual të Greqisë Nikos Kotzias. Kostandin Kotzias ishte kryetar i Bashkisë së Athinës në kohën e pushtimit gjerman. E megjithatë në asnjë rast, ata apo familjet e tyre nuk u gjykuan, dënuan persekutuan dhe nuk iu konfiskua prona, sikurse ka ndodhur me mijëra shqiptarët e komunitetit çam.
