Forcat xhenerike kanë çaktivizuar pakon me eksploziv e cila u gjet në derën e një zyre ligjore ditën e sotme në Vlorë. Mësohet se sasia e eksplozivit ishte rreth 150-200 gramë, ndërsa nuk ka pasur shpërthim. Pakoja është marrë nga xhenierët për ekspertizë, për të saktësuar llojin e lëndës plasëse.
Pakoja ishte vendosur në hollin e godinës në kat të dytë, ndërsa nuk dihej se kujt i adresohej. Ajo ndodhej më pranë zyrës së përkthimit ligjore, tw shtetases E.Zhupa, por në këtë godinë ka disa zyra avokatie dhe noterie.
Policia ka sekuestruar edhe pamjet e kamerave të sigurisë, ndërsa vijojnë hetimet për zbardhjen e plotë të ngjarjes.
Eksplozivi në derën e zyrës ligjore, forcat Xheniere mbërrijnë në vendngjarje on Vidnews.
Informacion paraprak
Sot rreth orës 14:14, në lagjen “Hajro Çakërri” në Vlorë, në derën e një zyre ligjore është gjetur një objekt ku brenda tij dyshohet të ketë lëndë plasëse.
Grupi hetimor po punon për sqarimin e rrethanave të ngjarjes. Priten forcat e posaçme xheniere në lidhje me vijimësinë e veprimeve.
