Ministri në detyrë i Punëve të Jashtme, Gent Cakaj, ka zhvilluar një takim me Ambasadorin e Republikës së Kosovës në Shqipëri, si dhe një prej themeluesve të Ushtrisë Çlirimtare të Kosovës, Nait Hasani.
Në këtë takim u diskutuan zhvillimet e fundit në Kosovë dhe përpjekjet në mbrojtje të vlerave të Ushtrisë Çlirimtare të Kosovës.
Sipas Cakajt, kur është në pyetje Ushtria Çlirimtare e Kosovës, nuk duhet të përgjigjemi si shumë parti, as si dy shtete, por si një komb.
”Nder i veçantë takimi me Ambasadorin e Republikës së Kosovës në Shqipëri, një prej themeluesve të Ushtrisë Çlirimtare të Kosovës, z. Nait Hasani. Biseduam për zhvillimet e fundit në Kosovë dhe rëndësinë e patjetërsueshme të përpjekjes së përbashkët në mbrojtje të vlerave të Ushtrisë Çlirimtare të Kosovës. Kur është në pyetje Ushtria Çlirimtare e Kosovës, nuk duhet të përgjigjemi si shumë parti, as si dy shtete, por si një komb’’, shkruan Cakaj në rrjetin social, Facebook.
