Deputeti i Partisë Demokratike, Oerd Bylykbashi në një deklaratë për mediat tha se lista për anëtarët e KLP dhe KLGJ është e korruptuar politikisht. Bylykbashi u shpreh se opozita nuk mund të bëhej palë e kësaj farse dhe e shpalli të pavlefshëm listën e ditës së enjte, e cila u votua në parlament.
“Lista për anëtarët e KLP dhe KLGJ, e votuar dje, ishte proces i korruptuar dhe ishte në kundërshtim me Kushtetutën. Seanca e djeshme e varrosi njëherë e mirë.
Në listë kemi dy kandidatë të përjashtuar nga ONM. 7 prej 10 anëtarëve nuk u është bërë Vetting-u. Shorti është i paligjshëm dhe Kushtetua kërkon që Kuvendi të votojë më 94 vota dhe kjo gjë nuk u bë dje. Procesi i votimi në parlament ditën e enjte është nul”, tha deputeti i opozitës.
