Shqipëria e 21-vjeçarëve do të përballet më 10 nëntor me Irlandën e Veriut , në kuadër të eliminatoreve të Europianitë për të rinj, që do të mbahet në Britaninë e Madhe. Kjo do të jetë ndeshja e dytë me irlandezët të cilët arritën ta mposhtin ekipin kuqezi në ndeshjen e parë në sekondën e fundit me anë të një 11-metërshi. Trajneri i ekipit Shpresa, Alban Bushi shprehet i bindur se do të marrin fitoren në këtë ndeshje kthimi, pasi i kanë kualitetet për ta bërë këtë gjë. Ne do të synojmë vendin e dytë në grup dhe jam i bindur që do ta arrijmë, por duhet ti marrim ndeshjet një e nga një dhe të jemi më të ftohtë para portës.
“ Nuk meritonim që të humbnim ndaj Irlandës së Veriut pasi luajtëm një ndeshje të barabartë ndaj tyre dhe u ndëshkuam nga një penallti në minutën e 95-të. Irlanda e Veriut ka 9 pikë por ka patur shumë fat nuk i ka merituar disa prej tyre. Ata kanë një skuadër të mirë por nuk duhen patur frikë, ne kemi një skuadër me më shumë cilësi brenda se Irlanda e Veriut. Problemi ynë është që nuk po shkojmë dot te goli. Ndaj Irlandës së Veriut duhet të shënojmë patjetër për të fituar. Mendoj se do ta arrimë objektivin”.
Kemi kualitete mjaft të mira në ekip, të cilët mund të arrijnë vendin e dytë dhe këtë gjë do ta tentojmë. Në përballjen me Irlandën na bën punë vetëm fitorja. Ata kanë një ekip të mirë, por ne mund ti dominojmë dhe ta fitojmë ndeshjen.
“ Objektivi ynë në grup është vendi i 2-të, nëse fitojmë ndaj Irlandës së Veriut mendoj që do kemi shanse për të kapur vendin e dytë, megjithatë ne duhet ti marrim ndeshjet një e nga një dhe më pas të shohim se deri ku mund të arrimë”.
Bushi ka prekur edhe pjesën e furnizimit të kombëtares A me lojtarë dhe mendon se janë disa elementë që do të bënin punë atje. Panucci është duke i vëzhguar vetë lojtarët, e tani Ramadani është pjesë e tyre në miqësoren e radhës.
“ Trajneri i kombëtares së madhe i shikon vetë lojtarët e ekipit Shpresa. Skuadra U-21 ka shumë lojtarë që mund të jenë pjesë e kombëtares A, tani por edhe më vonë. Ramadani është njëri prej tyre, ndërsa para tij u thirr Ndoj. Megjithatë lojtarët që kam aktualisht në dispozicion duhet të japin më të mirë te ekipi Shpresa për të qenë gati për kombëtaren A”.
