Analisti Andi Bushati tha se kryeministri Edi Rama urdhëroi shkarkimin e Haki Çakos dhe ai që e zbatoi urdhrin ishte Xhafaj.
I ftuar në studion e “News 24”, Bushati tha se Rama është një kryeministër që vendos për gjithçka në këtë vend. Ai tha se ishte kryeministri Rama që urdhëroi shkarkimin e Drejtorit të Përgjithshëm të Policisë së Shtetit, Haki Çako. Bushati deklaroi se jemi në një vend ku kryeministri vendos që nga tenderët se kush do ti fitoje dhe deri tek polici se kush do te futet në polici apo kush do ta drejtojë atë.
“Rama këtu tek ne vendos për gjithçka. Ai vendos që nga tenderat se kush do ti fitojë por dhe se kush do futet ne polici apo do ta drejtojë atë. Nuk është nisëm veriake e ministrit të Brendshëm Fatmir Xhafaj për shkarkimin e Çakos, por është një zbatimi i urdhrit të Ramës. Por pas të gjithë skandaleve me policinë e shtetit nuk kishte me kuptim që Çako të qëndronte akoma në detyrë. Ne jetojmë në republikën e njëshit ku vendos për gjithçka kryeministri. Në një sistem të tillë të flasësh për një personalitet politik, qoftë edhe ministri i brendshëm dhe me mbështetje të konsiderueshme nga faktori ndërkombëtar dhe me gjithë këto të ketë guximin t’i kundërvihet kryeministrit unë nuk e besoj. Në fund ka qenë Rama që ka vendosur. Çdo mendje racionale e kupton” deklaroi Bushati.
Sot me propozim të Ministrit të Brendshëm, zotit Fatmir Xhafaj, Këshilli i Ministrave miratoi lirimin nga detyra të Haki Çakos.
Ministri Xhafaj, vlerëson kontributin, angazhimin dhe përkushtimin e zotit Çako në drejtimin e Policisë së Shtetit, gjatë viteve të fundit. Ai ka një karrierë të gjatë në Polici dhe ka drejtuar me profesionalizëm struktura të niveleve të ndryshme.
