Ministri i Jashtëm, Ditmir Bushati zhvilloi sot një takim në Bruksel me Presidentin e Parë të Komisionit Evropian, Frans Timmermans. Gjithashtu ministri ynë i jashtëm u takua dhe me Komisionerin për Migrimin, Punët e Brendshme dhe Qytetarinë, Dimitris Avramolupos.
Ministri Bushati bëri një analizë të detajuar të reformave të ndërmarra nga qeveria jonë për plotësimin e pesë përparësive kyç. Sipas Bushatit, duke pasur parasysh progresin e bërë, qeveria shqiptare pret që viti 2018 të jetë vendimtar për rrugëtimin evropian të Shqipërisë.
Bushati theksoi edhe njëherë vullnetin politik dhe angazhimin e qeverisë për të forcuar sundimin e ligjit.
Nga ana tjetër Komisioneri Avramopoulos vlerësoi masat e ndërmarra në luftën kundër korrupsionit dhe krimit të organizuar.
