Ngjarja në Fier, ku fillimisht u raportua si një vetëvrasje, ka marrë një tjetër rrjedhë. 50-vjeçarja është vrarë nga bashkëshorti me thikën e bukës.
50-vjeçarja Valdete Mamaj është vrarë nga bashkëshorti i saj, me thikën e bukës. Ajo u gjet e pajetë në banesën e saj, e goditur me thikë në gjoks, si dhe me disa gërvishtje në trup.
Bashkëshorti i saj, Petrit Mamaj, ka pranuar krimin e rëndë në polici, pasi e raportoi më herët ngjarjen si vetëvrasje.
Ja çfarë njoftonte më herët policia
“Më datë 08.02.2022, në lagjen “Sheq i Madh”, Fier, rreth orës 07:50, është gjetur nga bashkëshorti i saj, në banesë, dyshohet e vetëvrarë me mjet prerës (thikë), shtetasja V. M., 50 vjeçe. Grupi hetimor po punon për zbardhjen e plotë të rrethanave të kësaj ngjarjeje”, njofton policia.
