Një ngjarje e rëndë ka tronditur Shkodrën, ku burri i ka marrë jetën gruas së tij e më pas është vetëvrarë. Burimet paraprake të policisë së Shkodrës njoftojnë se shtetasi me inicialet F. B., 79-vjeç, ka vrarë me armë zjarri bashkëshorten e tij, shtetasen S. B., 83 vjeçe dhe më pas ka vrarë veten.
Krimi ka ndodhur në banesën e çiftit. Po të njëjtat burime shtojnë se nga veprimet e para hetimore, dyshohet se ngjarja ka ndodhur para disa ditësh. Në vendngjarje është gjetur dhe sekuestruar në cilësinë e provës materiale arma e zjarrit automatik, me të cilën dyshohet se i moshuari ka vrarë bashkëshorten dhe më pas veten.
Shkodër/ Informacion paraprak
Sot me datë 18.08.2021 në lagjen “Ahmet Haxhia”, Shkodër, dyshohet se shtetasi F. B., 79 vjeç në banesë ka vrarë me armë zjarri bashkëshorten e tij shtetasen S. B., 83 vjeçe dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e zjarrit automatik me të cilën dyshohet se shtetasi F.B ka vrarë bashkëshorten dhe më pas veten.
Nga veprimet e para hetimore dyshohet se ngjarja ka ndodhur para disa ditësh. Grupi hetimor nën drejtimin e Prokurorisë Shkodër, vijon punën për sqarimin e plotë të rrethanave të kësaj ngjarjeje.
