Ministria bullgare e Shëndetësisë bën me dije se kryeministri Boyko Borissov do të ndëshkohet me një gjobë prej 174 dollarësh. Kjo për shkak të shkeljes së vendimit për vendosjen e maskës, gjatë një vizite të kryeministrit në manastir.
Ministri i Shëndetësisë, Kiril Ananiev vendosi të hënën që të rikthejë vendimin për vendosje të maskave në ambiente të brendshme publike. Ky vendim sipas tij u ndërmor si pasojë e rritjes së numrit të rasteve me koronavirus.
“Të gjitha personat që kanë qenë pa maska mbrojtëse në kishë, gjatë vizitës së kryeministrit, do të ndëshkohen”, tha Ministria e Shëndetësisë për Reuters.
Sipas ministrisë, në këtë vendim përfshihen Borissov, gazetarët dhe stafi tjetër medial që ka përcjellë vizitën në kishë.
Manastiri ortodoks, Rila, është më shumë se 1,000 vjet i vjetër, prandaj konsiderohet një prej atraksioneve turistike në këtë shtet.
Bullgaria kishte nisur me lehtësimin e masave kufizuese, por javën e kaluar autoritetet regjistruan 606 raste të reja të infektimit.
