Zëvendës Ndihmës Sekretari i Shtetit Hoyt Brian Yee, i njohur edhe në vendin tonë me nofkën “buldozeri” ka folur rreth mundësisë së ndërtimit të Qendrës Humanitare ruse në Nish. Në një intervistë për “Blic”, Brian Yee i bën thirrje serbëve që të jenë të vetëdijshëm dhe t’i kërkojnë arsyes Serbisë se përse po ndërton këtë qendër humanitare në Nish.
Brian Yee: Ne nuk e kuptojmë pse Qendra Humanitare Ruse në Nish kërkon imunitet diplomatik. Nuk e kuptojmë pse ata kanë nevojë për të. Prandaj ne u propozojmë partnerëve tanë, autoriteteve këtu në Serbi, për të pyetur se pse kanë nevojë rusët për të. Dhe përse ata po i bëjnë presion Serbisë për të ofruar diçka që nuk është normale.
Ai theksoi se Serbia duhet t’i hedhë sytë nga Bashkimi Evropian dhe të ndërtojë ura bashkëpunimi sa më pozitive që të jetë e mundur. “Për shembull, me Bashkimin Evropian. Vendet evropiane po e ndihmojnë Serbinë të arrijë standarde ekonomike, sociale dhe kushte të mira jetese…”
Mesazhi i tij ndaj partnerëve serbë ishte i qartë se çfarë interesi fsheh Rusia në ndihmën e saj kundrejt Serbisë. “Ne nuk e shohim se imuniteti diplomatik në qendrën ruse do të ndihmojë Serbinë të arrijë qëllimet e saj, të bashkohet me Bashkimin Evropian dhe të arrijë standardet e unionit”, – tha Yee.
Nga bisedat e shumta me përfaqësuesit e autoriteteve serbe, Yee vuri në dukje: “Ne kemi folur shumë herë për nevojën e procedurave ligjore për gjykatat dhe prokurorët për të bërë punën e tyre, e cila vlen edhe për rastin e vëllezërve Bytyçi, të cilët ishin shtetas të SHBA-ve dhe u vranë në vitin 1999. Natyrisht, kjo përfshin të gjitha viktimat e tjera nga luftërat e viteve nëntëdhjetë ”,– thotë Yee.
Sipas tij, Shtetet e Bashkuara mendojnë se fjalët se duhet të shndërrohen në vepra. “Ne vazhdojmë të monitorojmë gjithçka që ndodh në lidhje me krimet e luftës në të gjitha vendet e Ballkanit Perëndimor. Këtu në Serbi i inkurajojmë autoritetet që të demonstrojnë detyrimin e tyre për të siguruar administrimin e drejtësisë në fushën e krimeve të luftës. Ne mendojmë se dikush që është dënuar për krime lufte, pavarësisht nga kombësia, nuk duhet të japë mësim në një akademi ushtarake. Ky nuk është një sinjal i mirë ”, përfundoi Yee.
