Presidenti i Shqipërisë, Bujar Nishani dekorohet me medaljen “Urdhri i Lirisë”, nga homologu i tij nga Kosova, Hashim Thaçi.
“I nderuar z. Presidenti Nishani, duke vlerësuar lart punën tuaj për angazhimin tuaj për njohje të reja për Kosovën, për anëtarësimin në organizata të huaja, më lejoni që në emër të institucionit të ndaj për ju “Urdhrin e Lirisë”, ka deklaruar Thaçi.
Nishani me këtë rast, ka falënderuar presidentin Thaçi dhe ka thënë se liria është dimensioni më i pazëvendësueshëm për një komb. Vlen të theksohet se presidenti i vendit, Bujar Nishani, më 7 mars të këtij viti ka vizituar për herë të parë edhe Luginën e Preshevës, ku nga liderët e Luginës është cilësuar si vizitë historike.
