Ekspertët e Bankës së Shqipërisë kanë bërë një kërkim shkencor, për të gjetur ndikimet e krimit dhe korrupsionit në aktivitetin e bizneseve.
Në analizë janë marrë në konsideratë aktivitetet e ndërmarrjeve në 27 vendet në zhvillim duke përfshire edhe Shqipërinë sipas anketës së BEEPS (Business Environment and Enterprise Performance Survey).
Sipas rezultateve, krimi ka një ndikim negativ në aktivitetin e ndërmarrjeve, ndërsa doli në përfundimin se ekziston një marrëdhënie pozitive midis korrupsionit dhe performancës së firmave.
“Siç pritej, vlerësimi ynë tregon se firmat private me pronësi të huaj, si dhe firmat e BE-së kanë më shumë gjasa të kenë një ndikim pozitiv në performancën e firmës, por e kundërta ndodh me firmat që janë të privatizuara nga firmat shtetërore”, shprehen ekspertet e BSH ne studimin përkatës.
Ekspertët përdoren të dhëna paneli në nivel firme, të mbledhura nga BEEPS për 27 vende të tranzicionit gjatë viteve 2002, 2005, 2009 dhe 2011. Përveç karakteristikave të firmës, BEEPS gjithashtu mbledh disa informacione të vlefshme të vrojtimit, mbi format e ndryshme të korrupsionit dhe krimit.
