Ministri i Shëndetësisë në Britaninë e Madhe, Matt Hancock ka dhënë dorëheqjen nga posti i tij, pas publikimit të disa pamjeve, ku ai puthte asistenten e tij, Gina Colangelo. Lajmin e ka bërë të ditur vetë Hancock përmes një postimi në rrjetin social, Twitter.
”Unë takova kryeministrin për t’i paraqitur dorëheqjen time si Minsitër i Shëndetësisë. Unë i kuptoj të gjitha sakrificat që ju si komb keni bërë. Populli kërkon prej nesh që të zbatojmë rregullat, ndaj dhe unë po jap dorëheqjen.”, tha Hancock përmes një videomesazhi.
— Matt Hancock (@MattHancock) June 26, 2021
Pas publikimit të skandalit dy ditë më parë, Hancock nuk foli për dorëheqje, por kërkoi falje sepse nuk kishte respektuar masat kundër koronavirusit. Por, opinioni publik nuk e ka toleruar këtë veprim, duke e detyruar zyrtarin që të japë dorëheqjen.
Giana Coadangelo, njihej si një milionere në Britani, pasi krahas punës në ministri, ishte drejtoreshë e kompanisë së modës në pronësi të bashkëshortit të saj. Mediat, kanë publikuar gjatë ditës, foto ku ajo shihej duke ngarkuar në bagazhin e makinës disa qese me rroba, por nuk dihet ende nëse Coadangelo është ndarë nga bashkëshorti i saj aktual.
Mësohet, se ish-ministri Hancock dhe asistentja e tij Codangelo, ishin prej kohësh të lidhur, madje, mediat aludojnë se lidhja e fshehtë dihej nga i gjithë stafi i ministrisë.
