Të shtëna me armë zjarri kanë ndodhur këtë mesditë në Milot, ku raportohet për një të plagosur. Ngjarja ka ndodhur mesditën e sotme, në rrethana ende të paqarta, ku është plagosur me armë zjarri shtetasi Ylli Ibrahimi, 45 vjeç.
Ky i fundit është transportuar në spital, dhe ndodhet nën kujdesin mjekësor. Grupi hetimor vijon punën për zbardhjen e plotë të rrethanave të ngjarjes.
Njoftimi i policisë:
Rreth orës 12:10, në Milot, Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
