Policia në Staffordshire ka zbuluar një fabrikë kanabisi që arrinte vlerën 1.5 milion dollarë, më e madhja e gjetur ndonjëherë në këtë qark. Më shumë se tre mijë bimë kanabis u zbuluan në hambaret e fabrikës pasi policia bastisi një fermë.
Gjashtë burra u arrestuan kur policia bastisi në Wheaton Aston në jug të qarkut, të martën. Të gjashtë meshkujt, ishin të moshës ndërmjet 17 dhe 44 vjeç shtetas britanikë dhe shqiptarë, të cilët janë lënë në burg, shkruan stokesentinel.co.uk.
Tre nga grupi u arrestuan në vendngjarje ndërsa të tjerët u arrestuan pasi policia kontrolloi zonën me ndihmën e helikopterit të policisë.
Inspektor Richard Meaden, komandanti lokal i policisë në South Staffordshire, tha: “Hetimi ka filluar në një fazë të hershme, megjithatë mund të konfirmojmë se rreth 3,100 bimë të kanabisit u gjetën. Kjo vlerë e parashikuar e kësaj kulture vlerësohet të jetë me vlerë 1.5 milionë funte. Kjo është fabrika më e madhe dhe më e sofistikuar e kanabisit që kam përjetuar dhe unë jam i kënaqur që kemi qenë në gjendje të marrim një numër kaq të madh droge jashtë rrugëve”.
