Naftëtarët e Ballshit kanë ndërprerë grevën e urisë, duke pranuar ofertën e kreut të qeverisë Edi Rama. Ata kanë pranuar të ulen të bisedime me kryeministrin, për të caktuar pagesën.
Naftëtarët janë rigrumbulluar mëngjesin e sotëm përpara mjediseve të uzinës në Ballsh, prej nga kanë rënë dakord që të pranojnë ofertën e kryeministrit Edi Rama, për tu ndihmuar financiarisht nga qeveria.
Kjo ka ndodhur pas takimit të tij ditën e djeshme, ku u propozoi fillimisht një pagë deri në gjetjen e një zgjidhje për rifillimin e punës në rafineri. Sot kryeministri shprehet se është i kënaqur për arritjen e marrëveshjes. Ai shton më tej se brenda 48 orëve, do të takohet me përfaqësinë, për të kalur menjëherë në veprim.
Statusi
Jam i kënaqur që naftëtarët e pranuan propozimin e qeverisë. I falenderoj për mirëkuptimin dhe besimin. Tani e ka radhën qeveria të kalojë nga mbështetja parimore në mbështetjen financiare. Pa humbur kohë. Brenda 48 orësh do të takohem përsëri me përfaqësinë për të kaluar në veprim #SiNjëFamilje
