Kreu i Urgjencës Kombëtare, Skënder Brataj, ka thënë se ditën e hënë të javës së ardhshme në vendin tonë pritet të vijnë 7 mijë vaksina, nga Pfizer.
I ftuar në emisionin ‘Java në RTSH’, ai u shpreh se vaksina e Pfizer është efektive edhe për variantet e reja të Covid-19.
“Vaksina është hapi i fundit për t’u mbrojtut nga pandemia. Por për fatin e mirë dolën disa dhe jo vetëm një. Sepse pati një përqëndrim të botës së pasur për të zgjidhur një problem botëror. Ritmi i prodhimi i vaksinës u mbështet mbi eksperiencën e MERS-it dhe Ebolës. Mirëpo me daljen e mutacioneve të reja u ngjallën dyshime, por për fatin e mirë ajo ka efekt. Ne nuk e prisnim që në janar të vinin dozat e para. Por ja ku jemi kur të hënën do të vijnë 7 mijë vaksina“, tha Brataj.
