Kreu i Urgjencës Kombëtare, Skënder Brataj deklaroi se varianti indian i koronavirusit Delta, ka ndryshuar simptomatologjinë dhe po ngatërrohet me gripin e zakonshëm Deklarata e Bratajt u bë ditën e sotme në një intervistë për A2 CNN.
Sipas tij, simptomat kryesore janë dhimbja e kokës, e fytit, rrufa, sekrecionet nga hunda dhe temperatura. Ndër të tjera, Brataj u shpreh se çdo person që ka këto simptoma të kërkojë tetsin e shpejtë ose tamponin, mos ta interpretojë si rrufë ose grip, pasi mund të jetë COVID ose “Delta”.
Skënder Brataj: “Asnjë virus nuk e ndalon dot që të hyjë. Për fat të keq “Delta” ka ndryshuar simptomatologjinë, pasi paraqitet më shuëm si rrufë sesa si COVID-i në këto momente. Ngatërrohet shumë me rrufën e vërtetë dhe gripin e zakonshëm. Simptomë kryesore janë dhimbja e kokës, e fytit dhe rrufa, sekrecionet nga hunda dhe temperatura. Çdo person që ka këto simptoma të kërkojë tetsin e shpejtë ose tamponin, mos ta interpretojë si rrufë ose grip, pasi mund të jetë COVID ose “Delta”.
“Ka një periudhë inkubacioni shumë më të vogël sesa variant anglez dhe në stinën e verës 90% e virusit do të jetë “Delta”. Do të ketë një rritje në gjithë Europën në një kohë shumë të shkurtër. “Delta” infekton edhe ata që kanë një dozë të vaksinimit. Te personat që kanë bërë të dy dozat rreziku është shumë i vogël. Nuk mund të themi që s’mund të ketë infektime, por s’do të ketë shumë viktima”.
