Pas lajmit të publikuar nga policia për braktisjen e fëmijëve në vende të huaja me qëllim përfitimin e azilit, ka reaguar ashpër Avokati i Popullit.
Institucioni i Avokatit shprehet se duhet të gjendet kurimi i origjinës së problemit që gjeneron dhe fenomenin në fjalë, ndërsa thekson se problem i madh është varfëria e skajshme dhe mungesa e vëmendjes, e cila përbën një këmbanë alarmi për autoritetet shqiptare.
“Avokati i Popullit është i mendimit se autoriteteve tona qendrore u takon përgjegjësia jo vetëm për mbrojtjen e fëmijëve, por edhe për të shtuar dhe zhvilluar mjetet për përmirësimin e pozicionit të fëmijëve në shoqëri, arsim, kujdes social dhe dalje nga varfëria.
Institucionet tona dhe të gjithë ne duhet të bashkëpunojmë dhe të kuptojmë se interesi më i mirë i fëmijëve duhet të jetë prioriteti ynë i përbashkët”, thuhet ndër të tjera në reagim.
REAGIMI I AVOKATIT TË POPULLIT:
