Pak ditë më parë u regjistrua ajo që u cilësua si gjesti më burracak i bërë ndonjëherë në historinë e boksit. Kjo pasi boksieri anglez Curtis Harper braktisi ringun sapo ra gongu, ku ishte për tu përballur me nigerianin Efe Ajagba. Ai u shigjetua menjëherë nga fansat si një frikacak dhe u fërshëllye shumë gjatë momentit që po largohej.
Ndërkohë që nga ana tjetër nigeriani festoi atë që quhet “fitore në tavolinë”. Më vonë Harper ka shpjeguar edhe arsyen i cili thotë se nuk ka qenë një gjest prej burracaku, por një akt burrëror në kuptimin jo fizik të fjalës që ndoshta do të zbardhet më vonë. Dhe mendohet se bëhet fjalë për një rrogë të ulët të boksierit nga federata, dhe ai e ka bërë këtë veprim në shenjë proteste.
