Adolfo Sormani nuk do të jetë më trajner i Partizanit. Tekniku italian firmosi fatin e tij përfundimtar teksa refuzoi të zbresë me ekipin në derbin e kryeqytetit.
Ai u tërhoq menjëherë kur mësoi se në ekipin e tij kishte lojtarë të cilët kishin rezultuar pozitiv me koronavirus. Trajneri italian i dorëzoi drejtimin e ekipit Kalarit dhe pjesës tjetër të stafit drejtues në derbi.
Olsi Rama e cilësoi këtë veprim të Sormanit si një “sjellje jo burrash”.
Edhe rezultatet nuk ishin në favor të Sormanit. Partizani nën drejtimin e tij jo vetëm që nuk arriti të rikthej në lojë por u zhyt gjithnjë e më shumë në krizë.
