Në emisionin “360 gradë” në RTV Ora, aktivistja Gresa Hasa dhe ambientalisti Sazan Guri u përfshinë në një debat të ashpër. Kaq mjaftoi që aktivistja të ndërmerte iniciativën për tu larguar nga emisioni. Hasa akuzoi Sazan Gurin se ai po bënte seksizëm me të, dhe i kërkoi disa herë që të mos i fliste më, por debati mes tyre vijoi.

Pas shumë replikave, aktivistja vendosi që të braktiste emisionin. Por sot Sazan Guri i ka kërkuar falje aktivistes për fjalorin e përdorur në studio. Me anë të një statusi në Facebook, ai shkruan se është i gatshëm për një kafe me Gresën, duke e kthyer këtë keqkuptim në mirëkuptimin më të madh.

Statusi

Falje publike për zonjushën Gresa,
Cdo ditë sapongrihem bëj katër tip lutje drejt Zotit, dhe me pas tre shprehje betimi të meditimit për ushtrim joge, ku njera është se: “Kurrë nuk do të lëndojë te tjeret me ndërgjegje – I ëill never hurt the others by consciously”. Që të mos ta mbaj këtë peshë tërësisht keqkuptimi dhe të jem në përputhje me:
1. filosofinë time, për shkak të asaj më lart,
2. të ADN së fisit,
3. per shkak të kulturës sime,
4. të qenurit prind,
5. të qenurit burre,
6. të qenurit profesor dhe person publik,
7. të qenurit më i madh.
Pavarsisht se:
1. nuk e kisha aspak, aspak, aspak me qëllim,
2. kurrë s’kam pasur një rast të tillë,
3. une di tjeter kuptim te se bukures, sipas Alfred Ucit qe kemi mesuar ne gjimnaz, si shkalla me e lart e nje dukurije, e pashme, e artikuluar, e plotesuar, etj., etj.
Dhe duke qenë se znjsh. Gresa:
1. është një aktiviste e përpjekur,
2. një model i mirë për rininë e sotme,
3. është vajze, në karriere e sipër,
4. është diell që lind,ndërsa ne sado të mëdhenj, jemi në perëndim.
Do doja publikisht t’i kërkojë falje publike dhe jam i gatshëm për një tryezë kafe me të, duke e kthyer këtë keqkuptim në mirëkuptimin më të madh, jo vetëm e thjesht ndaj njeri tjetrit, por për njeri-tjetrin ndër vetë shqiptarët, për të cilën më shumë se kurrë kemi nevojë të gjithë ne sot.
Me respekt, e me përulje prindi, profesori, mbi të gjitha qytetari civitas
Prof.ing.Av. Sazan GURI

Ja çfarë ndodhi mes palëve

Debati:

Gresa Hasa: Ambienti është kaq toksik, ka kaluar jashtë teme.

Nuk kam asgjë për të thënë, çfarë kisha për të thënë i thashë.

Nuk jemi brenda temës, nuk e ndjej veten pjesë të një diskutimi të tillë.

(Ndërhyn Sazan Guri)

Gresa Hasa: Nuk ka nevojë të më prekni.

Sazan Guri: Jashtë teme, brenda teme, kush je ti që përcakton? Ti i kërkon hesap atij (Artur Meçes)

Gresa Hasa: Zotëri, më ngre zërin, do të denoncoj.

Sazan Guri:  Të respektuan si vajzë e bukur.

Gresa Hasa: Si vajzë e bukur?? Edhe seksizëm. Ore zotëri mund ta mbyllësh gojën.

Sazan Guri: Ne jemi bashkë.

Gresa Hasa: Ne nuk jemi bashkë, sepse unë nuk kam respekt për burra si puna jote që janë seksist, nacionalistë dhe injorantë.

Kjo është dhunë, që po ndodh LIVE në TV. Ky emision ndërpritet dhe mua më vjen keq që jam këtu.