Paraditen e sotme, është mbledhur Komisioni Hetimor për shkarkimin e Presidentit të Republikës, Ilir Meta.
I pranishëm në këtë mbledhje, ishte edhe deputeti i Partisë Socialiste, dikur bashkëpunëtori i ngushtë i Metës te LSI, SPartak Braho.
Braho i bëri thirrje Komisionit që të merren si provë deklaratat e Metës jo vetëm me shkrim, por edhe me video.
Spartak Braho: ”Ne nuk duhet të prononcohemi për mediat, që presidenti është kështu apo ashtu, Të caktohet dikush që të flasë për mediat. Të mos merren për bazë vetëm deklaratat me shkrim, por edhe me video. Kjo është më mirë për ne kur i shohim, dëgjojmë, por edhe për publikun”.
Një ditë më parë, Ngritja e komisionit hetimor u votua me 97 vota pro dhe 6 kundër në Kuvendin e Shqipërisë. 49 deputetë të mazhorancës iu drejtuan më herët Kuvendit me kërkesën për shkarkimin e Kreut të Shtetit.
Prej javësh, Presidenti i Republikës, Ilir Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit. Presidenti u zotua se do të mundësonte votën e lirë të shqiptarëve që sipas tij do ti bashkoheshin në një referundum popullor.
Deklaratat e tij gjatë fushatës arritën majën e tensionit kur kreu i shtetit deklaroi se “do t’ju presim dorën atij që prek votën”, apo “bëni gati sfurqet dhe kosat”.
