Banka Qendrore e Republikës së Kosovës (BQK), në raportin vjetor të saj bën të të ditur se parashikimet e saj për vitin 2017, se ekonomia e Kosovës do të karakterizohet nga një rritje reale prej 3.7 %
“Konsumi, si komponenti kryesor i kërkesës së brendshme, pritet të shënojë rritje reale prej 2.1 %, bazuar në pritjet që konsumi privat do të rritet me 2.4% dhe konsumi publik me 0.6 për qind. Faktorët që pritet të ndikojnë në rritjen e konsumit privat, ndër të tjera, janë edhe rritja e remitencave dhe rritja e kredive. Deri në fund të vitit 2017, remitencat pritet të shënojnë rritje vjetore prej rreth 2.8 %”, theksohet në raportin vjetor të BQK-së.
Sipas saj, kreditë për ekonomitë familjare, të cilat vitet e fundit kanë shënuar rritje të konsiderueshme, 14.7 % në vitin 2016 nga 9.35 % në vitin 2015, pritet të vazhdojnë këtë trend të rritjes edhe në vitin 2017.
