Transmetimi i Covid-19 nga njerëzit te kafshët tashmë është një fakt i kryer. Një rast i tillë ka ndodhur në Bosnje & Hercegvinë ku virusi është transpetuar nga njeriu te qeni, shkruan Klix.ba.
Ky rast u zbulua nga shkencëtarët nga Fakulteti i Mjekësisë Veterinare në Sarajevë, të cilët paraqitën të dhëna të rëndësishme që ata i hasën gjatë hulumtimit mbi koronavirusin.
Studiuesi Teufik Goletić, i cili mori pjesë në studim tha se virusi të qeni u përcaktua me metodën PCR.
“Ky është një zbulim që na vendos pranë vendeve të tilla si Hollanda, SHBA, Kina, Spanja, Franca, Gjermania dhe Belgjika, sepse ata gjithashtu kanë raporte të infektimit të kafshëve shtëpiake dhe ka të bëjë kryesisht me transmetimin e tij nga njerëzit. Është e mundur veçanërisht nëse hapësira që njerëzit ndajnë me kafshët shtëpiake sot është e vogël, dhe këto janë apartamente. Transmetimi nga kafsha te njeriu nuk është provuar ende dhe as nuk ka ndonjë indikacion që një gjë e tillë mund të ndodhë,” tha ai..
Ai shtoi se është shumë e rëndësishme të theksohet se pronarët e kafshëve shtëpiake nuk duhet të shqetësohen.
