Një tërmet me magnitudë 6 goditi rajonin e Bosnjë dhe Hercegovinës, ku është shënuar dhe viktima e parë dhe disa të plagosur.
Viktima është një 28-vjeçare nga Stollaci-a, në shtëpinë e së cilës ra një gur ndërkohë që prindërit e saj kanë marrë plagë të shumta dhe ndodhen për momentin në spital.
Mediat boshnjake raportojnë se 28-vjeçarja u soll ne spital me plagë të rënda, dhe pavarësisht përpjekjeve të mjekëve, humbi jetën.
Sipas qendrës spitalore në Stollac, një numër i madh i njerëzve janë lënduar.
Lëkundjet e tërmetit janë ndjerë edhe në Shqipëri, Kosovë, Kroaci, Maqedoni dhe Serbi.
