Ish-ambasadori i Holandës, Robert Bocsh, ka komentuar situatën politike në Kosovë.
Përmes një postimi në Facebook, Bosch shprehet se situata e krijuar në Kosovë me mosformimin e qeverisë 2 muaj pas zgjedhjeve nuk duhet të zgjasë më shumë. Nga ana tjetër, ambasadori propozoi edhe 3 kandidatë të cilët sipas tij do të ishin të përshtatshëm për postin e presidentit.
Postimi i plotë:
Fatmir Sejdiu duhet të jetë një kompromis i mirë për postin e presidentit edhe pse ky post edhe për disa vite është i zënë. Ai ka eksperiencë, është i pavarur dhe nuk është i angazhuar në ndonjë parti. Dy të tjerë, që janë krejtësisht të pavarur më shkuan në mend si kandidatë të shkëlqyer janë: Veton Surroi dhe Vjosa Dobruna. Të dy me përvojë në vend dhe ndërkombëtarisht, ata do ta përmirësonin imazhin e vendit.
