Bordi i Transparencës ka rritur sërish çmimin e naftës. Sot nafta do të shitet me 252 Lekë për litër nga 243 lekë që është litri. Benzina do të shitet me 241 Lekë për litër, ndërsa gazi do të tregtohet me 81 Lekë për litër.
Duke nisur nga pasditja e sotme, çmimet e naftës dhe benzinës do të rriten, duke iu afruar sërish niveleve maksimale historike, të cilat kanë arritur deri në 265 lekë për litër.
Bordi i Transparencës ka bërë publike çmimet e reja të tregtimit. Nafta me pakicë do të shitet me 252 lekë për litër, nga 243 lekë që ishte më parë, me një rritje prej 9 lekësh, ose 3.7%.
Benzina është rritur me 6 lekë për litër, duke u tregtuar nga pasditja e sotme me 241 lekë për litër.
Sipas njoftimit zyrtar të Financave:
Bordi i Transparencës në datë 5 Korrik 2022, në mbledhjen e radhës vendosi:
-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 252 lekë/litri, ndërsa i shitjes me shumicë jo më shumë se 240 lekë/litër.
-Çmimi i shitjes me pakicë i nënproduktit benzinë e standardit SSH EN të jetë jo më shumë se 241 lekë/litri,ndërsa i shitjes me shumicë jo më shumë se 229 lekë/litër.
-Çmimi i shitjes me pakicë i nënproduktit gaz, të jetë 81 lekë/litri me pakicë dhe i shitjes me pakicë 69 Lekë /litri.
Çmimet e caktuara nga Bordi do të hynë në fuqi sot datë 5 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
