Teksa bota është në alarm për shkak të virusit misterioz kinez, nga i cili deri tani kanë humbur jetën të paktën 17 persona, nëpër rrjetet sociale po qarkullon një video e një gruaje që ushqehet me supë lakuriqi nate.
Sipas Daily Mail, virusi, që origjinën e ka nga një treg në Wuhan, është përhapur nëpërmjet ushqimeve, kryesisht nga “supa e lakuriqit” që shërbehet nëpër tregjet kineze të Wuhanit. Teksa dje u njoftua se shkencëtarët kanë gjetur origjinën e virusit, sipas CNN virusi ka ardhur nga një gjarpër aziatik – kraiti tajvanez.
Ndërkohë, ende po punohet për të kuptuar mënyrën sesi është përhapur në mënyrë kaq të shpejtë. Higjiena e dobët, ushqimet e gatuara në kushte të pakontrolluara duket se kanë ndihmuar në përhapjen e tij të shpejtë.
Lloji i ri i koronavirusit, i cili u shfaq në qytetin qendror kinez Wuhan muajin e kaluar, ka vrarë së paku 17 njerëz dhe janë infektuar më shumë se 590 të tjerë.
