Nga Juventus te Milan dhe më pas te Chelsea, por akoma nuk është duke treguar formën e tij më të mirë në fushë. Gonzalo Higuain ka marrë një vendim të papritur dhe ka vendosur që të mos e veshë më fanellën e Argjentinës.
Momentalisht bomberi argjentinas ka është në huazim te Chelsea dhe në deklaratën e tij të lamtumirës nga kombëtarja ka ironizuar duke thënë se ky është një vendim i pakthyeshëm dhe se ky vendim do të sjellë gazim për shumë të tjerë.
Në një sezon të komplikuar pas largimit nga Milan që e çoi drejt Premier Ligës, Gonzalo Higuain nuk luan me fanellën e Argjentinës që prej botërorit të verës së kaluar. Kështu vjen fundit i një karriere të nisur në Tetorin e vitit 2009, por me ndeshje zyrtare vetëm 1 vit më vonë.
Gonzalo Higuain debutoi me kombëtaren në botërorin e Afrikës së Jugut në ndeshjen ndaj Perusë ku arriti të shënojë. Por tani detyrohet për shumë arsye dhe presione të thotë stop pas 75 ndeshjesh dhe 31 golash. Zhgënjimi i tij më i madh është finalja e humbur ndaj Gjermanisë në botërorin e vitit 2014 në Brazil, kjo edhe falë gabimeve të tij para portës.
Si për ironi të fati goli i fundit i Higuain me Argjentinën është ndaj Perusë, e njëjta skuadër ku provoi për herë të parë, gëzimin me përfaqësuesen.
