Zhvillimet politike të së enjtes morën jehonë anembanë botës. Shfaqja e shëmtuar që servir politika çdo të enjte, nuk kishte si të shpëtonte edhe mediave të huaja.
Prestigjiozia ‘Reuters’ ka zgjedhur si foto të javës një nga momentet më pikante të seancës së shkuar në Kuvendin shqiptar, atë të spërkatjes me bojë të kryeministrit Rama nga nënkryetari i PD, Edi Paloka.
“Kryeministri i Shqipërisë Edi Rama reagon pas bojës së hedhur nga anëtarët e opozitës gjatë sesionit parlamentar në Tiranë, Shqipëri, 14 shkurt”, sqaron në përshkrimin e fotos ‘Reuters’.
Pas këtij akti, Paloka u përjashtua për 10 ditë nga Kuvendi, ndërsa në një prononcim për gazetarët, ai tha se nuk ishte hakmarrje e tij, “por hakmarrje e qytetarëve që vidhen”.
