Rudina Hajdari do të përjashtohet nga Partia Demokratike. Kjo është pohuar nga sekretari për marrëdhëniet me jashtë në PD, Gerti Bogdani.
I ftuar në studion e lajmeve të Ora News, Bogdani tha ky PD nuk do të veprojë me dy standarde dhe do të vendosë për Hajdarin ashtu siç vendosi për Murrizin.
“Ajo që ne po luftojmë janë standardet. Pra është lufta kundër standardeve të dyfishta që dhe në këtë rast besoj se nuk do të ketë standard të dyfishtë. Besoj që kryesia e PD do të marrë të njëjtin vendim si për zotin Murrizi si për ato deputetë të tjerë që mbase nuk do të refuzojnë mandatin e deputetit”, tha Bodani.
I pyetur nga gazetarja Beti Njuma nëse Hajdari do të përjashtohet, Bogdani tha:
Patjetër që po, pasi ky është vendimi i kryesisë për zotin Murrizi dhe nuk ka si të ketë standarde të shumëfishta. Në fund të ditës kjo është një zgjedhje personale dhe është fatkeqësi sepse në fund të ditës simbolizon diçka, por jo vetëm kaq. Këto janë vendime unanime. Vendimi për zotin Murrizi ishte unanim.
