Një aksident me dy të plagosur ka ndodhur pasditen e sotme, në aksin Korçë-Pogradec. Në afërsi të fshatit Veliternë, një mjet tip BMW ka dalë nga rruga, ku për pasojë janë plagosur drejtuesi i mjetit dhe pasagjeri që ndodhej në makinë. Pasi ka dalë nga rruga, mjeti ka bërë tre-katër rrotullime dhe ka përfunduar në arë.
Shkak i aksidentit ka qënë shpejtësia e madhe e lëvizjes së mjetit, dhe lagështira në rrugë, që ka sjellë më pas daljen nga rruga të BMW-së.
Dy të rinjtë nga fshati Vreshtas, po udhëtonin në drejtim të Pogradecit në momentin kur ka ndodhur aksidenti. Ata janë transportuar drejt spitalit të Pogradecit, ku ndodhen nën kujdesin e mjekëve.
